Gjykata e Lezhës ka caktuar masën e sigurisë “arrest në shtëpi”, për 16-vjeçarin që goditi me karrige mësuesen në gjimnazin “Hydajet Lezha”. Sipas Klan News i mituri u njoh këtë të Premte me masën e sigurisë, në një seancë me dyer të mbyllura.
Bëhet e ditur se ndaj tij janë ngritur dy akuza, goditje për shkak të detyrës dhe plagosje e rëndë me dashje.
Kujtojmë se mësuesja M.P dy ditë më parë është goditur me një karrige nga një nxënës brenda mjediseve të shkollës. Ajo është dërguar me ambulancë në spitalin e Lezhës dhe mësohet se ka dëmtuar krahun nga goditja.
Gjithashtu pati edhe një bojkot nga mësuesit për shkak të kësaj ngjarje të rëndë.
Discussion about this post