Do ua bëjmë gjyqin në rrugë e sheshe atyre që nisën procesin e shekullit. Kështu u shpreh ish-Kryeministri Sali Berisha gjatë fjalës së mbajti në mbledhjen e Këshillit Kombëtar të PD-së, ku hodhi akuza të forta ndaj Kryeministrit Edi Rama, që sipas tij, kontrollon, urdhëron dhe përdor SPAK kundër opozitës.
Berisha tha se vendimi i GJKKO është në kundërshtim me Kushtetutën, pasi nuk është respektuar imuniteti i deputetit dhe është shmangur Parlamenti. AI tha se do të paraqitej në çdo sallë gjyqi, nëse do të kishte një proces të rregullt ndaj tij, duke nisur që me procedurat.
“Për armikun nuk ka kushtetutë dhe ligje që pengojnë luftën kundër tij, ndaj dhe “skapi” dhe gjykata popullore e partisë vendos sankisone të cilat kushtetuta nuk i lejon pa marrë miratimin e parlamentit.
Ju garantoj se ata që nisën procesin e shekullit do të përballen me gjyqin e shekullit kundër tyre. Atë gjyq do ua bëjmë në të gjitha rrugët e sheshet e Shqipërisë. Në atë gjyq ata do të dalin të mundur sikurse janë”,-tha ish-kryeministri Berisha
Discussion about this post