“Lulzim Basha hesht i detyruar” dhe se institucionet e drejtësisë do të duhet te zbardhin arsyet e kësaj heshtje”. Kështu u shpreh Gazment Bardhi, kryetar i Grupit Parlamentar të PD-së, në emisionin “Pa Censurë”, kur u pyet sepse po heshtin Lulzim Basha dhe Edi Rama lidhur me akt-akuzat e ngritura nga SPAK për ish-kryeministrin Sali Berisha.
Jua ka vrarë veshin heshtja në dy kampet politike, njëri është kampi i kryeministrit, që kërkonte me insistim nga SPAK një vit e gjysëm më parë të çonte para drejtësisë Berishën dhe Metën. Tjetri është kampi i zotit Basha, i cili i kërkonte SPAK-ut të ndëshkonte politikanët e korruptuar, por për këtë çështje nuk ka mbajtur asnjë qendrim. Pse mendoni që po veprojnë kështu?
Gazment Bardhi: Mendoj se, përsa kohë zoti Berisha është një nga faktorët më të rëndësishëm në opozitë, çdo veprim i drejtësisë ndaj tij, do të duhet të marrë vëmendjen e faktorëve të tjerë politikë, përfshirë këtu kryeministrin. Pra do të duhet të ketë një qendrim të tij dhe të zotit Basha, pasi zoti Basha ka qenë bashkëpunëtori më i afërt i zotit Berisha prej vitit 2005. E kam një shpjegim pse heshtin, por besoj që për opinionin publik shpjegimi do të zbulohet në vijimësi.
Pse ky mister kaq i madh?
Gazment Bardhi: Sepse nuk është çështje e imja. Ju do të shikoni që keni për të zbuluar arsyen përse disa janë te detyrar të heshtin për çëshrje të caktuara.
Janë të detyruar? S’po e bëjnë për strategji komunikimi?
Gazment Bardhi: Po, janë të detyruar. Janë të detyruar të heshtin për çështje të caktuara
Këta “disa” janë edhe Rama, edhe Basha apo vetëm njëri nga këta të dy?
Gazment Bardhi: Zoti Rama ka një mal me çështje që do të duhet të hetohen në SPAK, por për çështjen konkrete, zoti Basha eshtë i deryruar të heshtë.
Sa do të duhet të presim për këtë, pasi qenka shumë interesante.
Gazment Bardhi: Do të duhet të presim që institucionet të bëjnë punën e tyre.
Institucionet e drejtësisë?
Gazment Bardhi: Patjetër që institucionet e drejtësisë.
Discussion about this post