Prej disa ditësh raportohet se ish-Presidenti Ilir Meta, kryetar i Partisë së Lirisë, nuk ndodhet në Shqipëri, ndërsa po hetohet nga SPAK për të paktën dy çështje.
Po ku ndodhet Ilir Meta?
Eksperi i sigurisë, Ilir Kulla tha se Meta është brenda territorit të vendit tonë. “Një mik shumë i besuar më ka thënë se ndodhet në Shqipëri, të paktën sot”, tha Kulla.
Sa i përket çështjeve për të cilat ai po hetohet në SPAK, Kulla tha se Meta kur është marrë në pyetje e ka barë publike se për cfarë është pyetur, CEZ-DIA dhe lobimi në SHBA.
“Nëse të kujtohet ditën që shkoi në gjykatën Speciale për t’u pyetur, Meta kur doli jashtë i sqaroi vetë çështjet për të cilat ishte pyetur.
Në lidhje me akuzën e parë, ajo është çështje e hetuar dhe ka persona të dënuar, sa i përket të dytës është e përfshirë partia dhe disa zyrtarë të saj.
Aty flitet për 1 milion dollarë të paguara nga një llogari në Qipro, për në SHBA, për llogari lobimi, që në vetvete nuk është se ka ndonjë vepër penale, por në momentin që t’i nuk e deklaron ti futesh në një vepër penale.
Kjo është një gjë shumë më e komplikuar se gjerat e tjera, se kemi të bëjmë me supozime.
Supozime për të vërtetuar me letra se nga kanë dalë këto para, pse janë paguar, si janë mbledhur dhe të tjera.
Në SHBA, paratë për lobim deklarohet. Ilir Meta këtu është në Tiranë, nuk është e vërtetë që është larguar.
Ai ka zgjedhur të heshtë në këtë çështje” u shpreh ai.
Kulla tha se heshtja e Metës lidhur me hetimin ndaj Berishës është një strategji e mire, pasi e gjithë vëmendja tani është te ish-Kryeministri.
Discussion about this post