Pas tensioneve dhe përplasjeve fizike në sallën e parlamentit mes deputetëve Bledion Nallbati dhe Vullnet Sinaj, kryetarja e parlamentit, Lindita Nikolla ka përjashtuar deputetin demokrat.
Çfarë ndodhi?
Deputetë të opozitës ishin në foltoren e Parlamentit, e cila u rrethuar nga gardistë. Pikërisht rrethimi i foltores së Kuvendit dhe vendosja e gardistëve si një mur mes foltores dhe vendeve ku qëndrojnë ministrat, ka shkaktuar irritimin e deputetëve të opozitës.
Por kjo nuk eka shqetësuar aspak Lindita Nikollin, kryeparlamentare, e cila ka zgjedhur të bëjë ironi me deputetin Saimir Koreshi. “Mirë e ke krahun? Garda po bën detyrën e saj, ju uluni në vend dhe silluni në mënyrë të qytetëruar”, iu drejtua Nikolla, Koreshit.
Por jo vetëm kaq raportohet se ka pasur një përplasje fizike mes deputetit Bledion Nallbati dhe atij socialist Vullnet Sina.
Ky i fundit ka marrë fjalën dhe duke iu drejtuar deputetëve të opozitës, i ka kërkuar të ulen në vend. Madje nuk kanë munguar tonet, gjë që duket ka shkaktuar edhe përplasjen fizike mes Bledion Nallbatit dhe Vullnet Sinës.
Deputeti demokrat Nallbati ka shkuar për ti mbyllur mikrofonin kolegut socialist.
“Çfarë problemi keni? Uluni atje, shkoni në vend, Garda brenda Kuvendit ka qenë gjithmonë”, u shpreh Sina.
Discussion about this post