Nderohet me medalje/ Kampioni i karatesë, Alvin Karaqi s’i mban lotët

Kampioni i karatesë në Lojërat Europiane, Alvin Karaqi, është nderuar sot (31 tetor) nga qeveria shqiptare me medaljen “Ylli i Mirënjohjes Publike”.

Teksa mori fjalën pas marrjes së medaljes, kampioni i karatesë mes lotësh ka falënderuar familjen të gjithë ata që kane kontribuuar në rrugëtimin e tij.

“Faleminderit të gjithëve, grupit, trajnerit, ju prindër. Të gjithë jeni arsyeja që unë kam fituar. Dita kur mora flamurin për të përfaqësuar Shqipërinë në ceremoninë e hapjes, aty ishte medalje ime. Për besë u ndjeva si Gjergj Kastrioti. Falenderoj ekipin olimpik dhe presidentin. Nëse kjo medalje do ishte picë do e kishim ndarë bashkë. Faleminderit për mbështetjen morale dhe jo vetëm. Uroj të gjithë sportistët ta përjetojnë këtë ndjenjë që ndejë unë tani.”, u shpreh ai.