Nënkryetari i Kuvendit, Agron Gjekmarkaj dhe kryetarja e Komisionit të Shëndetësisë, Zheni Bebi Gjergji, janë të vetmit deputetë të opozitës në mbledhjen e Konferencës së Kryetarëve ku pritet të miratohet projektbuxheti 2024.
Gjatë fjalës së tij në Konferencën e Kryetarëve, Gjekmarkaj u shpreh se kjo nuk është një situatë normale, duke shtuar se opozita s’po kërkon asgjë të veçantë, por vetëm të drejtat që i përcakton Kushtetuta.
Ai iu drejtua deputetëve të pozitës, duke i thënë se “nuk mund të vendosni ju kush është opozita e Shqipërisë”, duke shtuar se “mandatet do t’i mbojmë”.
“Kjo nuk është një situatë normale, nuk është një mbledhje normale. Ju e shikoni, keni experience parlamentare. Opozita nuk po kërkon asgjë të veçantë, thjesht atë që na jep Kushtetuta. Po kërkon Komisionet Hetimore, të jetë pjesë pjesëmarrëse në hartonin e Reformës Zgjedhore, nuk mund të vendosni ju kush është opozita e Shqipërisë.
Kanë vendosur shqiptarët, janë mandate të marra në një betejë shumë të fortë. Ne mandatet tona do t’i mbrojmë”, tha Gjekmarkaj.
Discussion about this post