Kuvendi do të mblidhet nesër në seancë plenare, ndërsa deputetë të opozitës kanë nisur një aksion duke arritur të bllokojnë zhvillimin normal të seancave dhe mbledhjeve të Komisioneve.
Po çfarë pritet të ndodhë nesër në Kuvend, dhe a do të jenë prezentë edhe deputetët e përjashtuar?
Opozita ka deklaruar se nuk do të njohë asnjë vendim të marrë nga socialistët në Komisionin e Etikës në kundërshtim me Rregulloren e Kuvendit.
Kjo do të thotë se deputetët e përjashtuar do të jenë nesër krah kolegëve të tyre opozitarë, edhe pse Garda e Republikës mund të ndalë hyrjen e tyre në Parlament.
Ish-Kryeministri Sali Berisha u shpreh se aksioni opozitar nuk do të ndalet, ndërsa pohoi se janë disa skenarë, të cilët do ti shihni nesër.
“Nuk ka të ndaluar, është betejë a kthim. Do jeni aty, do shihni çdo gjë. Mos më bëni të ekspozoj projektin për nesër”, theksoi Berisha.
Discussion about this post