Socialistët e Edi Ramës dhe deputetët e rreshtuar në krah të Lulzim Bashës, janë në të njëjtën gjatësi vale, përsa i takon kritikave në drejtim të aksionit opozitar në Parlament.
Dallimi i vetëm është që grupimi Basha përdor një gjuhë më të moderuar, ndërsa akuzon për bashkëpunim mes Ramës dhe deputetëve që përfshihen në Grupin Parlamentar të drejtuar nga Gazment Bardhi.
Oriola Pampuri, një prej deputeteve që është rreshtuar në krah të Lulzim Bashës, përmes një reagimi në rrjetet sociale, e konsideron aksionin e sotëm opozitar si një luftë karrigesh për karrige.
Një shprehje kjo që gjen vend edhe në artikulimet e deputetëve të PS-së, që e konsiderojnë si një luftë për karrige apo hallin personal të Sali Berishës, protestën e deputetëve në Kuvend.
“Pra cdo pikë e rendit të ditës e parashikuar për ditën e sotme, mes tyre dhe diskutimi mbi buxhetin, çështje e cila rëndon drejtpërsëdrejti mbi kurrizin e qytetarëve, u tymos me flakadanë e u përdhos me luftë karrigesh për karrige, si për t’i lënë të gjithë hapësirën mazhorancës të votonte cdo projektligj të parashikuar.
Ja pra kur ka dëshirë për bashkëpunim, rruga gjendet gjithnjë, edhe pse nëpërmjet skenave teatrale me temetike; aksion””, shkruan Pampuri.
Ndoshta me gjuhën e përdorur ndaj kolegëve të saj deputetë në opozitë, deputetja e Bashës po rivalizon në qëndrime Spiropalin ose Felajn.
Discussion about this post