Rakip Suli po i bie më sëpatë fondeve të Bashkisë Kamëz. Ndërkohë që vendi është pushtuar nga stuhia, rrugët janë bllokuar dhe është e pamundur të punohet, Suli kujtohet të rregullojë trotuaret dhe dritat në tre rrugica të Kamzës. Ai ka firmosur më datë 2 nëntor kontratën për tenderin me objekt Ndërtim trotuare + KUB + Ndriçimi i rrugëve Paskuqan 2 (Rr.”Ahmet Zogu”+ Rr.”Leka Zogu” + Rr.”Ali Kelmendi”)+ Rr.”Dragobia” Kamza. Me pak fjalë do të vendos disa llamba në këto rrugica dhe për këtë ka vendosur të shpenzojë 610 milionë lekë, referuar vlerës së fondit limit.
Kjo është një shifër shumë e lartë dhe që është planifikuar për t’u vjedhur. Këtë e tregojnë të dhënat e tenderit që do të evidentojmë më poshtë.
Ofertat më të shumta variojnë nga 460 milionë lekë tek 550 milionë lekë, pra shumë më lirë nga se parashikon Suli të shpenzojë. Çka do të thotë se ai parashikonte që të paktën 100 milionë lekë të ishin para të tepërta, për të mbushur xhepat e tij.
Sakaq, vëmë re se kanë paraqitur ofertat e tyre 14 kompania, çka parashikonte një garë të fortë dhe sigurisht të fitonte ai që përmbushte kriteret. Por, nuk ka ndodhur kështu, Suli i ka skualifikuar 13 firma dhe ka lënë të vlefshme vetëm ofertën e bashkimit të operatorëve C O L O M B O shpk – Rroku GUEST shpk, me vlrë 460 milionë lekë.
Sipas vlerës është një ofertë e mirë dhe që duhej marrë në konsideratë, por Suli i ka rënë më shkurt. AI ia ka falur fitoren pa konkurrencë fare, edhe pse kishte oferta të tjera në të njëjtën vlerë, të cilat mund të përmbushnin edhe më mirë kriteret e tjera me rëndësi. Por, kur vihen në lojë kaq shumë para, Suli nuk pyeta për rregulla dhe për këtë tenderi ka marrë Flamur të kuq.
Përfituesit
Firma C O L O M B O shpk është në pronësi të Diana Laba është një firmë e cila njihet për numrin e lartë të tenderëve që përfiton sidomos nga Bashkia Tiranë. Por, duket se ajo ka marrë pjesë fiktivisht për të fshehur oligarkun e vërtetë që qëndron pas këtij projekti.
Kompania Rroku GUEST shpk është në pronësi të Rrok Gegës. Kompania e tij është skeduar nga drejtësia për krijimin e skemave kriminale të mashtrimit dhe falsifikim dokumentesh merr dhjetëra tenderë me garë fiktive dhe pa garë fare. Në 2015 pronari real Rrok Gega i dënuar me 3.6 vite burg për skemat e mashtrimit me faturat e TVSH, pas ndëshkimit kaloi kompaninë në emrin e personit të besuar dhe vijon avazin.
As ndëshkimet me burg nuk po e ndalon atë të merret sërish me afera korruptive. Ndodh rëndom që sikur Rroku, pas arrestimit dhe dënimit, të korruptuarit kalojnë kompaninë në letra në emër të bashkëshorteve apo fëmijëve, dhe kështu vazhdojnë avazin e vjetër, duke marrë tenderë me garë dhe pa garë, si më parë, në bashkëpunim me kryetarët e bashkive dhe drejtorët e korruptuar, ndërsa ndajnë paratë publike sipas rolit.
Kjo skemë po aplikohet gjerësisht pothuajse në të gjitha bashkitë e vendit. Rrok Gega është përfshirë në një skemë mashtrimi me fatura TVSH-je fiktive, si nënkontraktor i një kompanie për kryerjen e punimeve publike, duke grabitur buxhetin e shqiptarëve. Gjatë hetimeve, kur është marrë i pandehur, Rrok Gega e ka pranuar krimin ekonomik, duke thënë se është penduar. Por, në fakt jo vetëm që nuk është penduar por ka ardhur dhe ka krijuar më shumë miq në bashkitë e vendit.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
Discussion about this post