Për shkak të motit të keq që ka “pushtuar” pothuajse të gjithë vendin, kryeministri Edi Rama i ka bërë apel qytetarëve që të shmangin lëvizjet e panevojshme deri në normalizimin e situatës.
Përmes një postimi në rrjete sociale, Rama ka falenderuar të gjithë ekipet e emergjencës që kanë punuar pa reshtur gjatë natës për menaxhimin e situatës së krijuar në vend.
Ai thekson se ekipe të tjera vazhdojnë të jenë në terren për parandalimin e pasojave.
“Mirënjohje të gjithë ekipeve që kanë punuar pa reshtur gjatë natës për menaxhimin e situatës së krijuar nga moti i rënduar, ndërsa vazhdojnë të jenë në terren në gjithë vendin për parandalimin e pasojave.
Një apel edhe ndaj qytetarëve që të shmangin lëvizjet e panevojshme deri në normalizimin e situatës duke shtuar kujdesin”, shkruan Rama në facebook.
Discussion about this post