Egli Tako ka plot 15 tatuazhe në trup. Ajo rrëfen për “Jo Vetëm Modë” në Tv Klan se të parin e bëri kur ishte 18-vjeç.
Egli Tako: Tatuazhin e parë e kam bërë kur isha 18 vjeç, supozohet që isha adulte, por prapëseprapë im atë nuk më foli nja dy muaj të mirë.
Por, teksa tregon kuptimin pas tatuazheve që ka në trup, njëri prej tyre na bëri më shumë përshtypje.
Egli Tako: Kam një tatuazh këtu poshtë (te këmba) që janë dallgët e detit dhe perëndimi. Unë e dua shumë perëndimin edhe pse ka qenë një tatuazh ‘couple tattoo’, tani është single tattoo prapë bën shumë sens sepse perëndimi është pamja ime e preferuar në botë. Unë kam diellin, Olsi ka hënën.
-Shpesh herë e gjen veten nëpër portale të ndryshme, qoftë dhe pa shkak apo jo? Flet me gazetarët, nëse të duhet të mohosh diçka apo ta aprovosh diçka?
Egli Tako: I vetmi moment kur kam biseduar me një x portal, ishte kur nxorrën një…se nuk dua më fare ta cek atë pjesë, nxorrën diçka timen që nuk kishte lidhje fare me atë që ata kishin shkruar. Edhe sikur ajo romancë të ishte reale, nuk kishin të drejtë ta bënin. Paçka se s’ishte, kjo ka qenë i vetmi moment që unë i kam shkruar këtij portalit, nuk mora asnjë përgjigjie dhe që nga ai moment thjesht kam thënë ‘ok’.
Për historinë e saj me këngëtarin, ajo shprehet se çdo gjë ka mbaruar dhe nuk dëshiron ta prekë më si temë.
-Mendon që do të të përndjekë historia e Olsit për gjatë?
Egli Tako: Mendoj që jo, aq më tepër që nuk dua fare që ta cek personin në fjalë, ka vazhduar jetën e tij.
-Cila ka qenë hera e fundit që ty të ka prekur një lajm?
Egli Tako: Shumë e freskët, ka qenë një frazë, një fjalim i Meryl Streep. Pas gjithë eksperiencës së saj jetësore thoshte që kam zgjedhur veten time dhe të qëndroj me pak njerëz, po ato pak njerëz të më duan, më vlerësojnë. Thelbi ishte që nuk ka asgjë më të rëndësishme sesa vetja jote dhe nuk e kuptoj pse u interpretua kjo se ishte për një histori të shkuar timen./tvklan.al
Discussion about this post