Genc Gjokutaj, avokati i ish-Kryeministrit Sali Berisha, në hetimet që SPAK po kryhen ndaj privatizimit të kompleksit Partizani, tha pasditen e sotme se ndaj kreut demokrat kemi të bëjmë me një proces tërësisht të montuar.
Gjokutaj tha se përtej denoncimeve të mëparshme, ka edhe një detaj, që gjyqtarja Irena Gjoka që vendosi për masat e sigurisë, ka konflikt të pastër interesi, pasi në vitin 1996 ajo ishte shkarkuar për korrupsion nga KLD, e cila drejtohej në atë kohë nga Sali Berisha, që mbante funksionet e Presidentit të Republikës.
“Shiko, këtu nuk flitet më për drejtësi. Pra po marrim si kampion këto çështje sepse këto tregojnë se janë letra lakmuesi që tregon shëndetin e sistemit sepse këtu është i gjithë problemi. Këtu nuk po flitet për 3 rrënjë kanabisi që është kapur dje, do kapet sot apo nesër apo një vjedhje ordinere të një marketi.
Nuk jemi ne në këto kushte, ajo nuk është testi i sistemit të drejtësisë. Ne sot kemi investitor strategjik aktor humori, pa një pasuri të trashëguar, dhe ju e thatë mirë rastin e procesit të arrestimit të Malltezit dhe çështjes Berishës.
Çfarë sistemi drejtësie kemi ne kur ky sistem shmang procedurën parlamentare për ish-kryeministrin e këtij vendi dhe vepron në kundërshtim me ligjin me dashje të plotë dhe gjykohet nga një gjyqtare që është e kallëzuar penalisht, që i është kërkuar përjashtimi dhe nuk e ndërpret sipas ligjit, shqyrtimin gjyqësor derisa të shqyrtohet kërkesa për përjashtim.
Së fundmi që opinioni nuk e di, është një gjyqtare e shkarkuar nga Këshilli i Lartë i Drejtësisë në 1996, e shkarkuar në cilësinë e kryetarit të lartë të drejtësisë ka qenë Berisha, pra e shkarkuar nga detyra e gjyqtarit si shkak madhor që e obligonte këtë gjyqtare të jepte dorëheqjen nga gjykimi i çështjes pasi ka pasur një konflikt të mëparshëm me personin dhe ligji në këto raste është i ftohtë e i prerë sepse riparimi i kësaj shkelje të çon te një proçes i rregullt gjyqësor.
Imagjinoni që këta prokurorë, avokatë kryesie apo gjyqtarë janë të zgjedhur ata të cilët nuk ngurojnë të shkelin ligjin dhe që mazhoranca i ka nën kalendarin e saj politik e kërkon t’i zgjidhë me mjete e sistemin juridik e kjo është pjesa më e tmerrshme e saj, me qëllim zgjedhjet për 2025.”,- u shpreh avokati i njohur”, tha Gjokutaj në një intervistë për Syri Tv.
Discussion about this post