Manchester United rikthehet te fitorja në Premier League. Skuadra e Erik ten Hag triumfoi 0-1 në përballjen ndaj Fulhamit në “Craven Cottage”.
Sfida ishte tepër e fortë, teksa kryesori Brooks nxori 8 herë kartonin e verdhë. “Djajtë e Kuq” iu falën golit të Bruno Fernandes në minutat shtesë të takimit.
Kapiteni gjeti cepin e portës kundërshtare me një goditje të saktë, duke ndezur festën e tifozëve të United, shokëve të skuadrës dhe stafit teknik.
Rastet nuk munguan për të dy ekipet, teksa VAR-i anuloi golin e skocezit McTominay në pjesën e parë për miqtë.
Në fund festuan lojtarët e United, të cilët siguruan një fitore tepër të rëndësishme. Duke llogaritur momentin e vështirë ku gjendeshin.
Me suksesin e sotëm, United është ngjitur përkohësisht në vendin e gjashtë me 18 pikë.
Discussion about this post