Ish-Presidenti Bamir Topi, i ftuar në emisionin “Kjo Javë” në News 24, u pyet edhe për ngritjen e akuzave nga SPAK për ish-kryeministrin Sali Berisha dhe bashkëshortin e vajzës së tij, tha se duhet të lihet drejtësia të bëjë punën e saj.
Topi u shpreh se në 30 vite, politika ka pasur ndikim mbi drejtësinë, duke nënvizuar se me rastin e 21 janarit, atij iu bë gjyq politik nga Sali Berisha.
“Sigurisht është një ngjarje që e ka bërë publikun të shohë dhe të mendojë dhe të presin se çfarë do të ndodhë. Ka njerëz që janë kundërshtar të zt.Berisha. Pra kundërshtarë politik. Unë skam asnjë lloj ndjesie personale çfarë ka ndodhur. SPAK-u ka vepruar mbi një akt-akuzë që i ka ardhur nga një deputet i Partisë Socialiste. Është futur në procedurën e vet sikur e kërkon ligji dhe çështja është në fazën kur i drejtohet gjykatës. Nuk mund të futem në natyrën procedurale. Tani historia është pak më e gjatë.
Ne jemi mësuar që pushteti i drejtësisë të jetë nën kontrollin e politikës. Mënyra se si e ka pas përjashtuar Kushtetuta emërimin e gjyqtarëve dhe prokurorëve. E mbani mend se si i rrëzonte kandidaturat e Gjykatës së Lartë pesë përnjëherësh. Ka ardhur koha që pushtetet të ndahen.
A ndahen qartësisht? Sigurisht që jo! Unë duhet të kisha filluar burgimin e përjetshëm, që ma ka bërë ky zotëria në seancat parlamentare dhe në Komisionin Hetimor për ngjarjet e 21 janarit. Në momentin që jep verdiktin dhe thotë ti je kryetar i grushtit të shtetit, këtu mbaron historia pasi verdikin e jep politika. E mbanin mend komisionin hetimor për 21 janarin? Mbaroi pa një raport përfundimtar. Edhe kjo shkelje e Kushtetutës”, theksoi Topi.
Discussion about this post