Deputeti i Partisë Demokratike, Bledion Nallbati është paraqitur në SPAK, pak ditë pasi në seancën parlamentare tentoi të qëllonte me grusht socialistin, Vullnet Sina.
Kujtojmë që pak ditë më pare, grupi i PS-së kallëzoi penalisht deputetin e opozitës Bledjon Nallbati.
Kreu i grupit, Bledi Çuçi njoftoi se ka firmosur kallëzimin penal për Bledjon Nallbatit në emër të grupit parlametar të PS.
“Qëndrimi ynë është i qartë. Nuk do te tolerojmë asnjë akt dhune dhe refuzojmë këdo që e konsideron dhunën si mundësi për të shprehur mospajtimin”, thekson ai.
Deputeti i PD-së akuzohet për dhunën fizike të ushtruar në seancën e fundit ndaj deputetit Vullnet Sina, shkruan Çuçi.
Por edhe kreu i grupit parlamentar për PD_në, Gazmend Bardhi, ka hartuar kallëzim penal ku padit Vullnet Sinën për goditje për shkak të detyrës.
Discussion about this post