Nis seanca për Malltezin, kërkon shuarjen e masës së sigurisë

Nis seanca për Jamarbër Malltezin, dhëndri i ish-kryeministrit Sali Berisha. Malltezi kërkon shuarjen e masës së sigurisë.

Në nisje të seancës, avokatët e tij kërkuan përjashtimin e gjyqtares Irena Gjoka, me argumentin e moszbardhjes në kohët të vendimit.

E njëjta kërkesë është bërë edhe nga përfaqësuesit ligjorë të ish-kryeministrit Berisha, i cili gjithashtu po hetohet për të njëjtën çështje.

Seanca ndaj Sali Berishës u mbajt po ashtu ditën e sotme (8 nëntor), por u shty në orën 15:30 pasi avokatët e tij kërkuan përjashtimin nga çështja të Irena Gjokës.

Jamarbër Malltezi, i cili ndodhet në qeli për çështjen “Partizani”, ka kërkuar shuarjen e masës së sigurisë “arrest me burg” ndaj tij.