Aksident në aksin Kardhiq-Delvinë, plagoset 57-vjeçari. Niset drejt Traumës

Një 57-vjeçar ka mbetur i plagosur rëndë si pasojë e një aksidenti që ka ndodhur mbrëmjen e sotme në aksin Kardhiq-Delvinë.

Një automjet ka rrëshqitur si pasojë e kushteve të motit dhe ka dalë jashtë rrugës duke u përplasur me trafikndarëset.

Si pasojë e përplasjes ka mbetur i plagosur shtetasi A.P, 57 vjeç. Ky i fundit ka pësuar frakturë të vertebrës së qafës dhe për pasojë është transportuar drejt spitalit të Traumës në Tiranë.

Mësohet se automjeti drejtohej nga shtetasja E.P, vajza e të plagosurit.