Klopp njofton për ‘rotacion’ të martën në Champions, gëzohen milanistat

Këtë të martë Liverpool do të udhëtojë në transfertë për tu përballur me Milanin në ‘San Siro’ në ndeshjen e fundit të Grupit B në Champions League.

Italianët do të kërkojnë me çdo kusht fitoren për tu kualifikuar në këtë përballje kundër Liverpoolit që e kanë siguruar biletën për në fazën tjetër të këtij kompeticioni.

Trajneri i Liverpool, Jurgen Klopp ka lajmëruar ditën e sotme se në fushë për këtë përballje do të aktivizojë lojtarë të rinj, me arsyen se atyre titullarë ka ndërmend ti japë kohë për të pushuar.

“Po, është e qartë se ne duhet t’i lemë lojtarët të pushojnë, do të bëjmë disa ndryshime sepse duhet të krijojmë energji të freskët në fushë për të pasur një ndeshje të mirë”, tha Klopp.

“Salah? Nuk mund t’i ndryshoj të gjithë, do të na duhet të vendosim njëmbëdhjetë lojtarë në fushë. Do të shohim, duhet të kuptojmë gjithashtu situatën, duhet t’i bëjmë lojtarët të kthehen dhe të sigurohemi që skuadra më e mirë të jetë në fushë”, vazhdoi trajneri në konferencë për shtyp.

Aktivizimi i lojtarëve të rinj pritet që të ulë nivelin e lojës angleze, dhe mendohet se ky fakt do të përbëjë avantazh për Milanin, që do të luajë gjithçka ka në këtë takim.

Milan dhe Liverpool do të përballen këtë të martë në orën 21:00 në ‘San Siro’ në kuadër të fazës së grupeve në UEFA Champions League.