Kryqi i Kuq i Austrisë tha se një ortek në rajonin e Salzburgut, në Austri vrau tre persona dhe plagosi dy të tjerë ndërsa po bënin ski jashtë pistës. Sipas mediave austriake, aksidenti ndodhi të shtunën rreth 2,400 metra në rrethin Lungau, menjëherë pas orës 13:45 sipas zëdhënësit të Kryqit të Kuq Anton Schilcher.
Dëbora “varrosi” tetë nga grupi deri në 4.5 metra thellësi. Dy nga viktimat ishin tashmë të vdekur kur trupat e tyre u gjetën, ndërsa i treti vdiq pasi u transportua me helikopter në spitalin në Klagenfurt. Dy skiatorët e plagosur u dërguan në spitalin e qytetit Tamsweg.
Skiatorët e kapur në ortek ishin nga një grup nga rajonet e Salzburgut dhe Austrisë së Epërme. Vitet e fundit, mesatarisht rreth 20 njerëz në vit janë vrarë çdo vit nga ortekët në Austri. Dy sezonet e fundit ishin më pak vdekjeprurëse pasi pandemia e koronavirusit zvogëloi numrin e skiatorëve në përgjithësi.
Discussion about this post