Një nënë dhe katër fëmijët e saj të mitur janë riatdhesuar nga Gaza. Momentalisht ata ndodhen në Egjipt, ndërkohë që vijojnë procedurat për ardhjen e tyre në Shqipëri. Lajmi bëhet i ditur nga ministri i Jashtëm Igli Hasani.
“Pas tre javësh përpjekjesh e vështirësish, më në fund shtetasit e parë shqiptarë, një nënë dhe 4 fëmijët e saj të mitur, sapo lanë territorin e Gazës.
Ata ndodhen tashmë të sigurt në Egjipt, ndërsa vijojmë proçedurat për kthimin e tyre sa më të shpejtë në Shqipëri.
Mirënjohje për autoritetet e Izraelit dhe Egjiptit për bashkëpunimin, UNmigration dhe ICRC për mbështetjen si dhe kolegëve të ambasadave shqiptare në Izrael dhe Egjipt për punën e mirë në këtë situatë e operacion kompleks.
Po punojmë ngushtë me autoritetet për kthimin e shpejtë e të sigurt të shtetasve të tjerë shqiptarë që ndodhen në Gaza”, shkruan ai.
Discussion about this post