Çuditë e kryebashkiakut të Tiranës, Erion Veliaj, me shpërdorimin e buxhetit nuk kanë të mbaruar. Lali Eri do të shpenzojë 250 milionë lekë për biberonë! Ai firmos çdo ditë kontrata në shkelje të ligjit, por rasti i fundit është për të qarë dhe për të qeshur.
Bashkia Tiranë ka njoftuar përfundimin më datë 9 nëntor 2023 të tenderit me objekt “Shporta e bebes”. Kujtojmë se më vitin 2020 Veliaj ka vendosur të heqë bonusin 5 mijë lekë për çdo bebe të lindur duke vendosur ta kompensojë me një shportë. Për këtë qëllim do të organizohet dhe tenderi për të zgjedhur kompaninë që do ta përgatisë shportën.
Kështu, një nënë i duhet të pres 45 ditë për të përfituar këtë shportë, ndërsa kompania i merr lekët në një ditë.
Kjo është e pritshme, përderisa Lali Eri hoqi bonusin financiar dhe e zëvendësoi me një “shportë”. Në këtë tender dallohet qartë tendenca e kryebashkiakut për të përfituar dhe përvetësuar në bashkëpunim me kompanitë e listës së klientëve të tij.
Po ashtu, në këtë tender vlera është shumë më e lartë se vitet e tjera. Për këtë furnizim kanë paraqitur interes 2 kompani, të cilat supozoheshin të konkurronin me njëra-tjetrën dhe të fitonte ajo ofertë që do grumbullonte më shumë pikë.
Por Lali Eri nuk ndjek rregullat. Në fazën e parë Bashkia Tiranë ka përjashtuar nga gara ofertën e kompanisë “SCREEN AD” shpk & “Luljeta Zanaj” PF dhe ka lënë mbi truezë vetëm zarfin me ofertën e firmës “PAB TIRANA” SHPK.
Pa asnjë konkurrent përballë mbetet PAB-i, që do të furnizojë Lali Erin me biberonë fallco dhe pelena, duke e përfituar tenderin pa garë. Për këtë Open Data Albania i ka vendosur “Flamurin e Kuq”, që do të thotë se procedura ka risk korrupsioni.
Lexo edhe:Pasi u përmbyt qyteti, kujtohet Veliaj: Bëni kujdes me lëvizjet
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post