Zëdhënësi i Bashkimit Evropian, Peter Stano, paralajmëroi ditën e sotme se, parakusht për aranzhimin e takimit të radhës mes Serbisë dhe Kosovës duhet të jetë gatishmëria e palëve që të merren vesh rreth rezultateve konkrete, në të mirë të qytetarëve të tyre.
“E kemi bërë shumë të qartë, pas dy takimeve këtë vit, që parakusht për takimin e radhës duhet të jetë gatishmëria e të dyja palëve që të dakordohen rreth rezultateve konkrete për të mirën e qytetarëve të tyre. Kontaktet e fundit të Përfaqësuesit të Lartë të BE-së për Politikë të Jashtme dhe Siguri (Josep Borrell) dhe diplomacia e Përfaqësuesit të BE-së për dialog, Mirosllav Lajçak treguan që aktualisht nuk ka gatishmëri”, tha Stano. Sipas tij, ka pak gjasa që së shpejti të ketë takim të mirëfilltë në kuadër të dialogut mes Kosovës dhe Serbisë në nivelin më të lartë politik. Stano tha se në këto momente nuk janë në gatishmëri as të Prishtinës e as Beogradit që të angazhohen në mënyrë konstruktive në dialog.
Discussion about this post