Deputeti Dashamir Shehi, nëpërmjet një postimi në rrjetin social “facebook”, shprehet se marrëveshja për emigrantët afrikanë me Italinë, shërben vetëm për protagonizëm ndërkombëtar nga Rama.
Ai shton se përpos emigrantëve, do të preferonte që në Shqipëri të vinin dhe të investonin edhe kompanitë e madha italiane.
“Do të preferoja që përpos emigrantëve, në Shqipëri, të vinin dhe të investonin kompanitë e mëdha italiane! Kështu do të kishte përfitime reale ekonomike shteti shqiptar dhe jo duke u kthyer në komardare shpëtimi e Evropës duke marrë sirianët, afganët, iranianët dhe tani afrikanët” shprehet Shehi.
Deputeti shprehet se kjo zhurmë i duhej qeverisë italiane dhe Rama ka zgjedhur t’ia bëjë këtë favor.
“Kjo zhurmë do të mbarojë. Unë nuk e paragjykoj, siç bëjnë disa, jo do vijnë të zinjtë të bardhët. Shqipëria do të kalojë këtë fazë, këtë racizëm provincial, që vjen nga fukarallëku jonë. Nuk është ky halli im. Por thash që kjo është një zhurmë që i duhet qeverisë italiane dhe ky ia krijuar si favor” shton deputeti.
Discussion about this post