U kap në “shtëpi kanabisi”, dënohet me 30 javë burg shqiptari (Emri)

Një 22-vjeçar shqiptar u dënua me 30 javë burg, pasi u kap në një shtëpi kanabisi në Norwich.

Policia arriti të zbulonte “fermën e kanabisit” me vlerë 150 mijë £, pas denoncimit të bërë nga fqinjët.

Banorë të zonës kontaktuan oficerët me shqetësimet e tyre në lidhje me adresën në Cranworth Gardens, pranë Ipswich Road.

Policia më pas nisi një dron i cili zbuloi ‘njolla të nxehta’ në pronë, duke sugjeruar se po kultivohej kanabis.

Gjykata e Norwich Crown dëgjoi se oficerët hynë me forcë dhe gjetën Andi Kodrën, 22 vjeç, duke fjetur në një divan dhe zbuluan kanabis me vlerë gjithsej 149,310 £ në faza të ndryshme të rritjes.

Chris Youell  tha se katër dhoma ishin konvertuar për prodhimin e drogës, me më shumë se 100 bimë të gjetura, si dhe kanabis duke u tharë.

Kodra – një shtetas shqiptar i cili mbërriti në Britaninë e Madhe me një gomone – nuk bëri asnjë koment kur u intervistua nga policia pasi u arrestua, pas bastisjes më 10 shtator.

Ai doli në gjykatë të enjten për t’u dënuar, pasi pranoi se prodhonte kanabis.

Avokatja Danielle O’Donovan tha se Kodra, i cili nuk ka asnjë dënim të mëparshëm, erdhi në këtë vend me gomone si një mënyrë për të shlyer një borxh që i kishte të atit.

Pasi përfundoi në Mbretërinë e Bashkuar, ajo tha se ai e gjeti veten duke fjetur në një stol parku në Norëich.

Ajo tha se Kodra punoi si kopshtar në fabrikën e kanabisit pasi takoi një shqiptar tjetër, i cili i ofroi ushqim dhe diku për të qëndruar.