Shqiponjat fluturojnë drejt Berlinit, Shqipëria në Euro2024. Barazimi në Moldavi i siguroi biletën Shqipërisë për të marrë pjesë për herë të dytë në një Kampionat Europian, ku pas Parisit, kuqezinjtë i pret Berlini.
Padyshim një sukses që i takon djemve të kombëtare, stafit teknik dhe trajnerit Sylvinho. Nuk diskutohet që një meritë ka edhe FSHF e drejtuar nga Armand Duka, por nuk mund të lihen jashtë vëmendjes, tifozët, veçanërisht grupimi “Tifozat Kuq e Zi”, që në çdo ndeshje kanë qenë lojtari i 12-të i kombëtares.
Janë ata që kanë ndezur atmosferën, që kanë dhuruar spektakël nga shkallët e stadiumit, teksa djemtë e kombëtares, tregoheshin të “pamëshirshëm” në fushë ndaj kundërshtarëve.
“Ëndërruam, sakrifikuam, dhe në fund u kualifikuam
Më të bashkuar se çdo herë tjetër, “TKZ po vijnë” për të pushtuar tokën gjermane, për të stolisur Euro 2024 me ngjyrat Kuq e Zi.
Ne ja dolëm, por ky është vetëm fillimi…”, shkruan TKZ.
Discussion about this post