Policia e Korçës ka vënë në pranga tre persona mes të cilëve një 17-vjeçar. Të arrestuarit akuzohen për vepra të ndryshme penale. 17-vjeçarit i janë sekuestruar në cilësinë e provës materiale një dorezë metalike (kasketë) pa leje, gjatë kontrollit fizik të tij nga uniformat blu. Mbi 17-vjeçarin rëndon akuza për veprën penale penale “Prodhimi, mbajtja, blerja apo shitja pa leje e armëve të ftohta”. I mituri mësohet së është me iniciale E.K, banues në Korçë.
Ndërsa dy persona të tjerë janë arrestuar për veprën penale “Drejtimi i automjeteve në mënyrë të parregullt”, pasi janë konstatuar se drejtonin mjetet e tyre në gjendje të dehur. Dy shtetasit e arrestuar mësohet se janë N. T., 64 vjeç, banues në fshatin Plasë, Maliq dhe E. P., 33 vjeç, banues në fshatin Stravaj, Librazhd. Ndalimi i tyre është bërë në aksin rrugor Bilisht-Korçë, në afërsi të fshatit Dishnicë dhe në qytetin e Pogradecit, teksa drejtonin mjetet e tyre tip “Opel” dhe “Mitsubishi”, në gjendje të dehur”.
Materialet i kaluan Prokurorive së Rretheve Gjyqësore Korçë e Pogradec për veprime të mëtejshme.
Discussion about this post