Një shqiptar në Itali ndërroi jetë pasi ra nga një lartësi prej 6 metrash. Ngjarja mësohet se ka ndodhur tre ditë më parë, ku shqiptari ishte futur për të vjedhur në një magazinë me materiale lëkure, por gjatë vjedhjes ai ka humbur ekuilibrin dhe ka rënë nga lartësia, duke ndërruar jetë në spital. Viktima mësohet se është 35-vjeç dhe po e kryente vjedhjen në bashkëpunim. Shqiptari ndërroi jetë në spital në Careggi, ndërsa mësohet se kishte marrë plagë të rënda në kokë si pasojë e rënies nga lartësia.
Raportohet se bashkëpunëtori i tij u rrëzua gjithashtu, por ky i fundit është jashtë rrezikut për jetën. Të dy ata ranë nga çatia e magazinës industriale në San Donnino nga ku shikonin terrenin dhe më pas u jepnin sinjalin bashkëpunëtorëve të tyre që prisnin për të vepruar. Bashkëpunëtorët e tjerë i dërguan në spital, dy autyorët dhe më pas u larguan me shpejtësi për të shmangur arrestimin. Policia po punon për identifikim e tyre.
Discussion about this post