Tifozë të shumtë të kuqezinjve janë mbledhur nga treva të ndryshme në Tiranë, atje ku mbrëmjen e sotme, do të luhet ndeshja e fundit për Grupin E, ajo mes Shqipërisë dhe Ishujve Faroe.
E ndërsa Shqipëria ka siguruar biletën për europianin që do të luhet në Gjermani, në rrugët e Tiranë kanë nisur festimet nga grupimet e tifozëve.
Veçanërisht atmosferën e kanë ndezur tifozë të mbërritur nga diaspora dhe Kosova, që së bashku me grupimin e Tifozëve Kuq e Zi, po festojnë në rrugët e kryeqytetit me këngë patriotike.
Festa nuk ka dallim moshe, ndaj mos u habisni kur nga videot e mëposhtme të shihni tifozë, edhe pse në moshë të thyer, janë në qendër të festimeve.
Discussion about this post