Një koncert i shumëpritur nga fansat e Taylor Swift në Brazil është kthyer në tragjedi, duke ngritur pikëpyetje nëse duhet të ishte organizuar apo jo.
Koncerti u mbajt gjatë një vale të madhe të të nxehtit që goditi vendin, temperatura brenda stadiumit llogaritet të ketë arritur në 60 gradë, dhe si pasojë një 23-vjeçare ka humbur jetën dhe spektatorë të panumërt kanë vuajtur në mënyrë të pabesueshme.
Ndërsa një familje amerikane që jetonte në Brazil (duke përdorur emrin Jeta Jonë Braziliane në mediat sociale) që ishte atje shkroi:
“Një grua 23-vjeçare vdiq në një koncert të Taylor Swift këtu në Rio de Zhaneiro dhe mijëra morën trajtim mjekësor për shkak të valës së të nxehtit të paprecedentë që goditi rajonin. Uji nuk u lejua jashtë stadiumit dhe njerëzit pritën me orë të tëra nën diell. Jashtë temperatura ishte rreth 40 gradë , por brenda arrinte në 60. Ishim të rraskapitur nga pritja me orë të tëra në vapë dhe po shkriheshim në djersë. Por të paktën kishim shumë ujë me vete.
“Isha i trishtuar kur pashë kaq shumë tifozë të zhgënjyer, por vapa ishte e padurueshme. Ngushëllimet tona për familjen e Ana Clara Benevides, e cila e humbi këtë javë për shkak të temperaturave ekstreme.
“Koncerti i sotëm është shtyrë për të hënën, më 20 nëntor ” .
Discussion about this post