Ministri i Shtetit të Greqisë, Stavros Papastavrou, ka mbërritur në qytetin e Durrësit, ku është takuar me Fredi Belerin, i cili ndodhen në burg prej disa muajsh.
Vizita e Papastavrou përkon me gjyqin e radhës ndaj Belerit, që do të zhvillohet ditën e mërkurë, dhe ku ai kërkon lirinë për t’u betuar si kryebashkiak i Himarës.
Ministri grek e njoftoi vizitën në orën 12:00 të ditës së sotme, dhe mbërriti në Durrës së bashku me një grup gazetarësh dhe kameramanësh të televizioneve greke.
Por gjatë vizitës në qeli të Belerit ka ndodhur një incident i pakëndshëm, pasi energjia elektrike është shkëputur. Sipas raportimeve, autoritetet e burgut kanë tentuar të sigurojnë energjinë përmes linjës së gjeneratorit, por pa mundur, pasi rrjeti nuk mbante.
Beleri u burgos me akuzën e korrupsionit në zgjedhje, dy ditë para zgjedhjeve në 14 maj, pasi u kap në flagrancë me shuma parash dhe lista votuesish që i përdorte për të blerë vota.
Beleri arriti të fitojë zgjedhjet, por zyrtarisht nuk ka mundur të marrë detyrën pasi nuk lejohet të bëjë betimin para Këshillit Bashkiak. Pak ditë më parë Gjykata e Lartë në një vendim të sajin bëri të ditur se vetmja Gjykatë që mund të rivlerësojë masën e sigurisë apo ti miratojë një leje 48 orëshe kryebashkiakut të zgjedhur të Himarës është GJKKO.
Discussion about this post