Të tjera detaje janë zbardhur nga grabitja me armë e një argjendarie, ngjarje e ndodhur pasditen e së mërkurës në Suharekë. Nga të dhënat mësohet se grabitësit e armatosur kanë marrë stoli ari në vlerën e 250 mijë euro.
Gjatë grabitjes ka pasur shkëmbim zjarri mes grabitësve dhe policisë, ku mbeti i plagosur edhe 1 efektiv.
Polici që mbeti i plagosur është Avdullah Hoxha.
Tashmë janë publikuar fotografi nga vendi i ngjarjes, nga ku mund të shihet se plaçkitësit e kanë zbrazur dyqanin.
Nga një video e publikuar shihen tre të dyshuar brenda argjendarisë, që mbushin çantat, ndërsa i katërti bën roje me kallashnikov.
Siç shihet në pamjet e mëposhtme, pas disa minutash, në vendin e ngjarjes arrin Policia, ku njëri polic del nga vetura zyrtare dhe aty nis shkëmbimi i zjarrit.
Për pasojë, i njëjti zyrtar policor plagoset.
Discussion about this post