SPAK ka vendosur nën hetim Elvana Gjatën, këngëtaren e njohur, emri i të cilës lakohet në bisedat përmes palikacionit “SKY” nga pjesëtarë të grupit kriminal ku bën pjesë edhe Ervin Mata. Një pjesë e anëtarëve të grupit u arrestuan me urdhër të SPAK, ndërsa të tjerë janë shpallur në kërkim. SPAK ka nisur një hetim pasuror ndaj të arrestuarve, personave të shpallur në kërkim dhe të afërmve të tyre, sikundër edhe ndaj Elvana Gjatës.
Bazuar te dosja e SPAK, pas çkodimit të aplikacionit SKY, dyshohet se llogaritë bankare të Elvana Gjatës, janë përdorur për transferta parash nga Ervin Mata, ish-partneri i saj, dhe që në dosjen e Prokurorisë Speciale dyshohet për trafikimin e sasive të mëdha të kokainës.
Sipas komunikimeve të Matës në “Sky EÇ”, nga llogaria e saj bankare dyshohet do të kaloheshin 500 mijë euro.
Por duket se hetimi i SPAK nuk e ka shqetësuar këngëtaren, e cila përmes rrjeteve sociale, ka njoftuar koncertin e rradhës. Ky është edhe reagimi i parë i Gjatës, pasi në media u publikua një dokument i firmosur nga kreu i SPAK-ut Altin Dumani, ku emri i saj renditej mes shumë emrave të tjerë që do të hetohen.
Discussion about this post