Sfida Ballkani-Victoria Plzen do të luhet në “Air Albania”

Stadiumi “Air Albania” i Tiranës do të presë një tjetër ndeshje ndërkombëtare.

UEFA ka vendosur sot të spostojë ndeshjen mes klubit të Ballkanit (Kosovë) dhe FC Victoria Plzen (Çeki) nga stadiumi “Fadil Vokrri” i Prishtinës në stadiumin “Air Albania”.

FSHF përmes një njoftimi për mediat bën me dije se ky vendim është marrë për shkak të kushteve të përkeqësuara të fushës në stadiumin e kryeqytetit kosovar.

Sfida është e programuar të luhet në Shqipëri më datë 30 nëntor, duke nisur nga 18:45.