Një 18-vjeçar është gjetur pa shenja jete në Berat. Policia njofton se i riu nga Kavaja, i cili vuante nga probleme të shëndetit mendor, është gjetur të shtunën rreth orës 12:00 në Qendrën Rezidenciale të Zhvillimit.
18-vjeçari ishte pranuar në muajin qershor të këtij viti për trajtim pranë kësaj qendre me vendim të Komisionit Qëndror për Vlerësimin e Nevojave të Personave me Aftësi të Kufizuara Tiranë, duke qenë se vuante nga probleme të shëndetit mendor.
“Sot, rreth orës 12:00, në Qendrën Rezidenciale të Zhvillimit, Berat, nga personeli i kësaj qendre është gjetur pa shenja jete dhe pa shenja dhune, shtetasi S. Ll., 18 vjeç, banues në Kavajë, i cili vuante nga probleme të shëndetit mendor.
Ky shtetas, në muajin qershor 2023, është pranuar për trajtim pranë kësaj qendre, me vendim të Komisionit Qendror për Vlerësimin e Nevojave të Personave me Aftësi të Kufizuara Tiranë, duke qenë se vuante nga probleme të shëndetit mendor. Grupi hetimor po kryen veprimet për sqarimin e plotë të rrethanave të rastit”, njoftoi Policia.
Discussion about this post