Kompania “NAIM 2020” , e drejtuar nga subjekti Naim Koçi. ka ankimuar tenderin e shpallur pak kohë më parë nga KESH, duke pretenduar se ky i fundit ka modifikuar dokumentet e tenderit dhe ka skualifikuar pa të drejtë kompaninë garuese. Ankimuesi është Naim Koçi, administrator i një kompanie private, i cili në ankesën e dërguar pranë Komisionit të Prokurimit Publik liston disa nga arsyet pse KESH ka shkelur rregullat bazë të prokurimeve në këtë tender. Së pati ankimuesi pretendon se KESH ka modifikuar dokumentet për të skualifikuar garuesit dhe për ta dhënë tenderin në mënyrë të parregullt, duke përmendur këtu faktin se te dokumentet e depozituara ka gabime të shumta drejtshkrimore dhe mungojnë përmendja e pikave ligjore që çon në skualifikimin e kompanisë të personit në fjalë.
Kritere të pabarabarta
Sakaq, problematika tjetër që evidentohet është se për këtë tender, KESH ka kërkuar 10 punonjës të certifikuara shtesë, ndërkohë që puna e përcaktuar mund të kryhet me vetëm 1-2 punonjës. Sipas ankimuesit, KESH ka shkelur rregullat e prokurimit se as nuk argumenton kriteret për kualifikimin e tyre dhe arsyet përse duhen kaq shumë punonjës. Më tutje theksohet se më këtë pikë KESH nuk i ka vendosur ofertuesit në garë të barabartë, pasi në disa raste kërkohen punëtor ekspert, ndërsa për disa të tjerë kërkohen punonjës profesional të avancuar.
Fond shtesë i padrejtë
Më tutje ankimuesi tregon se KESH ka modifikuar dokumente në atë formë që të duket sikur po bën tender me garë të hapur, kur në fakt ka paguar më parë një kompani për blerjen e pajisjeve të nevojshme. Sipas ankesës në tetor të viti 2020, KESH ka blerë pajisjet dhe tani kërkon të shpenzojë 18 milionë lekë për mirëmbajtjen e tyre dhe këtë mundësi po ja jep po atij prodhuesit të pajisjeve. Ankimuesi hedh dyshime se, prodhuesi kur ka marrë pagesën ka bërë edhe trajnimin e stafit, e cila në rast se është e vërtetë përbënë shkelje flagrante të ligjit. Pastaj, shto këtu faktin që KESH fill pa një viti kërkon punonjës për të mirëmbajtur mallrat, kur sipas rregullave ato duhet të zotërojnë garanci 2 deri 5 – vjeçare.
Abuzime me fondin limit
Ndër të tjera, shkelje evidentohen edhe në përllogaritjen e fondit limit, pasi ai i lejon vetëm prodhuesit të objekteve, duke nxjerrë jashtë loje ata që duan të aplikojnë për këtë tender. Madje, pretendohet se fondi limit është i tejfryrë në raport me nevojën e vërtet të kostove që kërkon ky tender. Këtu, dali edhe faktet se ky tender është modifikuar dhe i shpallur vetëm sa “për sy e faqe”, pasi e drejta e licencës i jepet vetëm prodhuesit. Në përfundim ankimuesi i kërkon edhe Autoritetit të Konkurrencës që të veprojë, pasi sipas ligjit të prokurimeve, prodhuesit nuk duhet të ketë më të drejtë mbi këto pajisje pasi është paguar njëherë për të në momentin kur i janë blerë. E.H/gijotina.com/
Discussion about this post