Sherri në lokal/ 30-vjeçari shqiptar plagoset me thikë nga italiani

Karabinierët e Folignos në Itali kanë nisur hetim në gjendje të lirë ndaj një 55-vjeçari italian, i cili ka plagosur me thikë një 30-vjeçar shqiptar.

Sipas karabinierëve, i plagosuri dhe sulmuesi ishin takuar në një lokal në zonë, rrugës për në shtëpi kanë nisur të debatojnë dhe të ofendojnë njëri-tjetrin, më pas italiani e ka goditur me grusht në fytyrë shqiptarin duke e bërë atë të bjerë përtokë.

Më tej, pasi kishte hyrë në shtëpi, ka marrë një thikë kuzhine dhe ka tentuar të godasë shqiptarit.

30-vjeçari ende në tokë nga grushti që kishte pësuar, ka arritur të bllokojë goditjen me dorën e majtë, duke i shkaktuar prerjen, më pas është ngritur dhe është dërguar në spital nga të afërmit e tij.

Kështu, Karabinierët ishin në gjendje të gjurmonin identitetin e sulmuesit dhe ta raportonin atë për krimin e lëndimit të rëndë personal dhe mosdhënies së ndihmës.