Thomas Hunt, babai i 9-vjeçares Emily, e cila u lirua nga Hamasi, foli në një intervistë për ditët e para të kthimit të vajzës së tij tek ai.
Duke folur për CNN, Hunt tha se rikuperimi i vajzës së tij do të jetë i ngadaltë: “Ajo po flet ngadalë. Se çfarë ka ndodhur realisht do ta dimë vetëm kur të flasë”, theksoi ai dhe shtoi: “Dua të di kaq shumë informacione”.
Njëkohësisht ai tha se është tronditur nga transformimi që pësoi 9-vjeçarja gjatë robërisë së saj.
Shikoni videon e ribashkimit të 9-vjeçares me të atin:
Emily Hand reunites with family pic.twitter.com/pxtpuNLfLG
— Mossad Commentary (@MOSSADil) November 26, 2023
“Gjëja më tronditëse ishte se ajo vetëm pëshpëriste, nuk mund ta dëgjoje. Më duhej të vendosja veshin te buzët e saj”, tha Thomas Hunt. “Ajo kishte mësuar të mos bënte zhurmë”. Në fakt, kur e pyeti për sa kohë mendonte se ishte peng dhe ajo u përgjigj “një vit”. “Përveç pëshpëritjes, kjo ishte një grusht në zorrë. Një vit”, shtoi babai i 9-vjeçares dhe nënvizoi se “ajo qan derisa e zë gjumi natën”.
“Mbrëmë ajo qante derisa fytyra i ishte skuqur, nuk mund të ndalonte. Ajo nuk donte asnjë ngushëllim, mendoj se ka harruar se si është të kesh një të tillë. Ajo hyri poshtë mbulesës së krevatit, jorganit, u mbulua dhe po qante qetësisht”, tha babai i vogëlushes.
Emily ishte në një festë në shtëpinë e një miku në kohën e sulmit të Hamasit më 7 tetor. Fillimisht u raportua se ai ishte vrarë, por më vonë u bë e ditur se ai ishte mes atyre që mbaheshin peng në Gaza. Nëna e 9-vjeçares vdiq nga kanceri disa vite më parë.
Discussion about this post