Nga Parlamenti Europian, deputeti i PD-së, Ervin Salianji, përmes një video-mesazhi të publikuar në rrjetet sociale, shprehet se për fatin e keq në Shqipëri, forca është përqëndruar në vullnetin e një njeriu të vetëm, Edi Ramës, dhe jo te institucionet.
Salianji thekson se thelbi i funksionimit të demokracisë është kontrolli i institucioneve dhe balanca e pushteteve dhe institucioneve, ndaj edhe opozita kërkon prej kohësh pikërisht këtë, monitorimin përmes hetimit parlamentar apo Kuvendit.
“Kërkesa më e rëndësishme që ne kemi është forcimi i institucioneve, monitorimi më i rreptë për të pasur institucione të forta që tejkalojnë forcën e një individi, sikundër po ndodh në Shqipëri”, thotë Salianji.
Deputeti demokrat thekson se opozita po kërkon mbështetje pikërisht për të realizuar këtë, forcimin e institucioneve dhe kthimin në vend të një demokracie funksionale.
Discussion about this post