Ish -kryetari i bashkisë së Bulqizës, Lefter Alla ka kërkuar lirinë në Gjykatën e Lartë, duke i bërë rekurs vendimi të Apeli që nuk zëvendësoi masën “arrest në burg” ndaj tij në një masë më të butë.
Prokuroria akuzon ish-kryetarin e Bashkisë Bulqizë, Lefter Alla dhe zyrtarë të tjerë të këtij institucioni se kanë ndërmarrë veprime aktive të kundërligjshme për paracaktimin e fituesit në një tender me vlerë 2.8 milionë euro, pa përmbushur kriteret.
Ish-drejtuesit kryesorë të Bashkisë së Bulqizës, përfshirë edhe socialistin Lefter Alla ranë në prangat e policise ne mars te ketij viti pas një hetimi të Prokurorisë së Posaçme Kundër Krimit të Organizuar dhe Korrupsionit, nën akuzën se kanë falsifikuar dokumentet e një tenderi me vlerë 322 milionë lekë (afro 2.8 milionë euro) që synonte të rinovonte rrjetin e kanalizimeve në lagjen e vjetër të qytetit minerar.
Discussion about this post