Një rast i pazakontë i një të mitur është bërë publik ditën e sotme, i cili ka thyer rekord për numrin e lartë të herëve që ka përfunduar në komisariat. Gjatë një emisioni në Top Channel, Ergysi, i moshës 12 vjeç tregon se është shoqëruar 67 herësh në komisariate. Gjithësi, derisa të mbushë 14 vjeç, ai nuk mund të arrestohet. Gjyqtari për të miturit Bedri Qorri thotë për Top Channel se fëmijët përherë e më shumë po vërehen si autorë ngjarjesh.
Deri më tani, sipas vendimeve të gjyqtarëve në të gjithë vendin gjenden aktualisht nën shërbim prove 167 të mitur kryesisht për vjedhje dhe shpërndarje droge. Në disa pamje të publikuara duken tre fëmijë që vjedhin biçikletën e një zyrtari, grupe të miturish po shfaqen përditë e më shumë duke vjedhur me synimin për të fituar para për drogë.
Por ende nuk është ngritur institucioni i riedukimit për fëmijë që pas kodit penal duhet të funksiononte. Gjykata këmbëngul se megjithatë vendimet që shpallen ndaj të miturve midis moshës 14 deri në 18 vjeç, vërehet se ata po kthehen përsëritës.
Discussion about this post