“Kam dëgjuar vetëm krismat, s’kam parë asgjë”, ka deklaruar Naim Murseli, duke iu referuar momentit të vrasjes së bashkëshortes së tij, 33-vjeçares Liridona Murseli, brenda mjetit ku po udhëtonin së bashku më dy fëmijët e tyre.
Ai ka pretenduar se grabitësit i kanë bërë pritë dhe pasi i kanë marrë sendet me vlerë, kanë qëlluar për vdekje gruan e tij.
Ish-këshilltari i Behgjet Pacollit dëshmoi se arriti të marrë dy fëmijët dhe të largohej mjeti, por nuk shpëtoi dot bashkëshorten.
“Rr. Dlip Alshiq, Prishtinë 29.11.2023 – 20:26. Raportohet se viktima femër kosovare, derisa ka qenë me bashkëshortin dhe dy fëmijët e tyre me veturë, një person i panjohur i armatosur i ka ndaluar dhe ua ka kërkuar të gjitha gjërat me vlerë dhe është qëlluar me armë zjarri për vdekje.
Lidhur me rastin është intervistuar bashkëshorti i saj, dëshmitari mashkull kosovar i cili kishte arritur të largohet nga vetura me dy fëmijët e tyre.
Njësit relevante policore, prokurori dhe ndihma e shpejtë urgjente kanë dalë në vendin e ngjarjes, nga mjeku është konstatuar vdekja e viktimës. Me urdhër të prokurorit trupi i pajetë i viktimës është dërguar në IML për obduksion”, raporton policia e Kosovës.
Discussion about this post