Naim Murseli ka pranuar se ka porositur vrasjen e gruas së tij. Kjo raportohet nga mediat e Kosovës, që i referohen burimeve nga Policia, ndërsa më herët Granit Plava kishte pranuar veprën penale të vrasjes së Liridona Murselit, për të cilën kishte thënë se është paguar nga Naim Murseli.
Naim Murseli dhe Granit Plava u arrestuan si dy të dyshuarit kryesorë për planifikimin, organizimin dhe kryerjen e vrasjes së Liridona Murselit.
Fillimisht, Granit Plava para grupit hetimor kishte pranuar vrasjen e Liridona Murselit dhe ka pohuar se vrasjen e ka kryer për llogari të Naim Murselit, bashkëshorti i viktimës.
Gjatë marrjes në pyetje, edhe Naim Murseli ka pranuar se ka porositur vrasjen e gruas së tij në ngjarjen tragjike që tronditi Kosovën të mërkurën.
Por, si tentoi ta fshihte këtë krim makabër Naim Murseli?
Sipas asaj që kanë raportuar mediat në ditën e ngjarjes tragjike, Murseli citohet t’i ketë thënë policisë se ishin objekt i një grabitjeje që më pas përfundoi me shkrepje të armës së zjarrit, nga e cila ndërroi jetë Liridona Murseli.
Ndërsa në opinion hidheshin dyshime lidhur me implikimet e tij në vrasjen e gruas së tij, Murseli qëndroi i heshtur derisa u pa në varrimin e gruas së tij gjatë të premtes në Gjakovë.
Ai u tregua edhe i revoltuar me mediat në ceremoninë e varrimit, ndërsa u desh ndërhyrja e hoxhës për të qetësuar situatën.
Naimi i kishte dërguar edhe lule gruas së tij, tashmë të ndjerës, Liridona Murselit, vrasjen e së cilës e kishte paguar me para te bashkëfshatari i tij, Granit Plava.
Discussion about this post