Girona e ka seriozisht titullin në Spanjë, mund edhe Valencian

Skuadra e Gironas ka mposhtur sot Valencian me përmbysje rezultati, duke u rikthyer në kryesuesen e La Liga.

Pas plot 90’ minutave lojë të zhvilluara në stadiumin “Municipal de Montilivi”, Girona e ka mposhtur 2:1 skuadrën e Valencias.

Valencia ishte në epërsi prej 1:0 deri në minutën e 83’, me golin e Hugo Duros në minutën e 57’.

Girona reagoi më pas, ku në minutën e 83’ Christian Stuani gjeti golin e barazimit, ndërsa po i njëjti shënoi në minutën e 88’ për t’ia siguruar fitoren ekipit.

Me pikët e sotme, Girona ngjitet në kuotën e 38 pikëve, tre sosh më shumë se Real Madridi.

Në anën tjetër, Valencia zë vendin e 10 në tabelë me 19 pikë të arkëtuara.