Vasili: Meloni në Serbi ndërton fabrikë, në Shqipëri sjell refugjatë

Pas vizitës në Serbi të kryeministres Italiane Meloni ka reaguar me një postim në faqen e tij në facebook deputeti i Partisë së Lirisë Petrit Vasili.

Në serbi ndërton fabrikë makinash, ndërsa në Shqipëri sjell 30 mijë refugjatë.

Postimi:

Marrëveshje Meloni -Vuçiç Italia në Serbi ndërton Fabrikë makinash.

Marrëveshje Meloni – Rama ndërsa në Shqipëri sjell 30 mijë refugjatë.

Këto janë gjëmat dhe bëmat e matufit global Rama.

Presidenti serb Aleksandar Vuçiç tha të dielën se pret që prodhuesi i automjeteve Stellantis të prodhojë makina elektrike të Fiat Panda në qytetin qendror Kragujevac.

Vuçiç, i cili foli pas takimit me kryeministren italiane Giorgia Meloni, nuk dha ndonjë datë specifike për nisjen e prodhimit. Vuçiç tha se prodhimi i Pandas elektrike do të rriste tregtinë midis Italisë dhe Serbisë me mbi 4.6 miliardë euro në vit. Gjenerata aktuale e Fiat Panda është ndërtuar afër Napolit në Itali dhe modeli i ri pritet rreth mesit të vitit 2024.

Stellantis, i krijuar në vitin 2021 përmes bashkimit të PSA të Francës dhe Fiat Chrysler, dhe qeveria serbe në vitin 2022 nënshkruan një marrëveshje prej 190 milionë eurosh për të prodhuar automjete elektrike në fabrikën e Kragujevacit, e cila më parë prodhonte modelin Fiat 500L.