Një shqiptar i kërkuar për vrasje nga Interpol Tirana është arrestuar në Greqi. Ai është kapur rastësisht nga policia greke të shtunën në zonën e Neapolit në Lasithi.
Policia greke tregohet e rezervuar në dhënien e detajeve të mëtejshme për momentin, por mësohet se shqiptari është transferuar në Komisariatin e Heraklion për procedura të mëtejshme.
I arrestuari rezulton i dënuar me 20 vjet burg për “vrasje te mbetur në tentativë”, për një rast të ndodhur verën e kaluar ku qëlloi një person duke e lënë të plagosur rëndë. Ai jetonte në Greqi në Agios Nikolaos dhe kishte plotësuar dokumentet për leje qëndrimi për arsye pune.
Sipas mediave greke identifikimi është bërë nga patenta.
Discussion about this post