Përfshihet nga flakët një banesë në Dropull, detajet e para

Një banesë në fshatin Derviçan të Dropullit u përfshi nga flakët në orët e para të mëngjesit të së martës.

Në momentin e zjarrit, në banesë ndodhej një 55-vjeçar, i cili është dëmtuar lehtë.

Dyshohet se zjarri ra për shkak të shkëndijave nga një sobë me dru.

Grupi hetimor po punon për të dokumentuar ligjërisht shkakun e rënies së zjarrit.

Njoftimi i policisë

Në orët e para të mëngjesit të sotëm, në fshatin Derviçan, dyshohet se për shkak të shkëndijave nga një sobë me dru, ka rënë zjarr në banesën e shtetasit Dh. K., 55 vjeç.

Nga flakët është dëmtuar lehtë shtetasi Dh. K., i cili po merr asistencë mjekësore në spital, dhe është jashtë rrezikut për jetën.

Grupi hetimor po punon për të dokumentuar ligjërisht shkakun e rënies së zjarrit.