Presidenti I Rapublikës Bajram Begaj ka reaguar pas ndarjes nga jeta të aktorit të shquar të skenës dhe ekranit, Mirush Kabashi
“Lamtumirë Artistit që mbajti gjallë brenda nesh dashurinë për artin dhe ngriti peshë sallat kudo performoi! Lamtumirë “Nder i Kombit”, Mirush Kabashi!”, shkruan Begaj në Facebook.
Po ashtu, edhe kryeministri Edi Rama ka reaguar për ndarjen nga jeta të aktorit Mirush Kabashi këtë të martë. Teksa ka ndarë një foto të artistit, kreu i qeverisë ka shkruar shkurt: “Lamtumirë Mirush”.
Artisti mbylli sytë përgjithmonë në moshën 75 vjeçare në orët e para të mëngjesit të së martës, njoftuan familjarët e tij.
Ai ishte aktor i rreth 100 roleve, në teatër dhe filma. Shpesh ka qenë edhe prezantues i aktiviteteve artistike. Gjithashtu, Kabashi është cilësuar si një nga interpretuesit më të mëdhenj të poezisë. Një pjesë të jetës ia kushtoi teatrit, ku ndër rolet më të veçanta ishte ai i Sokratit tek “Apollogjia e fundit e Sokratit”.
Discussion about this post