Gjendet i pajetë një burrë në Gjirokastër, dyshimet e para

Një burrë është gjetur i pajetë në mes të rrugës në Gjirokastër. Sipas njoftimit të policisë, rreth orës 08:30 të mëngjesit, shërbimet e patrullës së kufirit Kakavijë kanë gjetur trupin e pajetë të personit me iniciale P. S., rreth 68 vjeç, banues në Gjirokastër.

Gijotina.com ka mësuar se i moshuari kishte një karrocë dore që ndihmonte emigrantët për të transportuar çantat në Kakavijë, pasi kështu siguronte jetesën.

Nga vëzhgimi paraprak i trupit nuk vërehen shenja dhune, ndërsa dyshohet se vdekja mund të jetë shkaktuar nga shkaqe natyrore.

“Më datë 08.12.2021, rreth orës 08:30, nga shërbimet e patrullës së kufirit të gjelbër Kakavije, në rrugë, në fshatin Kakavije, Gjirokastër, është gjetur i pajetë, shtetasi P. S., rreth 68 vjeç, banues në Gjirokastër. Nga këqyrja paraprake e trupit nuk vërehen shenja dhune. Gjithashtu nga veprimet paraprake hetimore, dyshohet se vdekja mund të jetë shkaktuar nga shkaqe natyrore”, njofton policia.

Grupi hetimor ndodhet në vendngjarje dhe po punon për sqarimin e rrethanave të ngjarjes.