Remzi Azemi, shtetas i Kosovës, i shumëkërkuar në listën e Interpolit, është arrestuar nga policia e Maqedonisë së Veriut. Azemi kërkohej nga autoritetet në Ekuador për veprën penale të vrasjes.
Azemi ishte i dyshuar për vrasjen e shqiptarit Ilir Hidri, krim i ndodhur në maj të vitit 2017 në qytetin Guayaquil të Ekuadorit.
Siç raporton gazeta ekuadoriane El Universo, gjatë procesit hetimor janë grumbulluar prova që dëshmojnë lidhjen e Azemit me këtë krim.
Azemi ishte në njoftim të kuq në listën e Interpolit për atë vrasje.
Njësia Gjyqësore Kriminale Jugore, me seli në Guayaquil, kishte lëshuar një urdhër arresti për të në vitin 2021. “I arrestuari është në pritje të procesit formal të ekstradimit”, tha Policia.
Ilir Hidri është vrarë me armë zjarri në Guayaquil, qytetin ekuadorian në Amerikën e Jugut. Sipas mediave ekuadoriane,40-vjeçari u ekzekutua me armë zjarri pranë tregut të Bashkisë së Grau Ruiz, në periferi të Guayaquil.
Në atë kohë raportohej se shqiptari dyshohet se ishte infiltruar në një rrjet trafiku kokaine. Hidri kishte shkëmbyer informacion me policinë për kokainën, ndërsa mësohet se qëndronte në Ekuador prej tre muajsh.
Hidri kishte mbërritur nga një makinë në një rrugë në jugperëndim të qytetit. Pasi zbriti, eci disa metra në trotuar kur pas shpinës së tij u shfaq një njeri me ngjyrë. Hidri u kthye dhe autori e qëlloi me armë zjarri. Atentati ndodhi rreth orës 8 të mbrëmjes së 1 qershorit 2017.
Nga plumbat që morri, në pjesën e syve dhe në mjekër, Hidri u rrëzua në tokë, duke humbur jetën. Ndërkohë, autoriu arratis në një motor, që drejtohej nga një bashkëpunëtor i tij. Sipas dëshmitarëve, Hidri kishte veshur këmishë, pantallona të shkurtra dhe shapka me gisht. Atij iu gjetën tre telefona celularë dhe një sasi parash.
Menjëherë pas vrasjes, policia bastisi pronën që dyshohet se është marrë me qira nga viktima, por në emër të palëve të treta, ndërsa gjatë kontrollit të banesës u gjetën edhe disa doza kokaine.
Discussion about this post